අපේ සමහර මිනිස්සු ගැන

අපේ සමහර මිනිස්සු ගැන!.
කියන්න මහා ගොඩක් දේවල් තිබුනට හැදෙන්නේ නැති වෙනස් වෙන්නේ නැති අය කියන අලුත් පරාජිත කතා කීපයක් කියන්නම්. මේ දවස් වල පාලු ඉඩම් වල, පා රදෙපස කුණු දදා තිබුන තැන් වල පෙනුම පොඩ්ඩක් වෙනස් කරලා අලුතෙන් වැඩ වගයක් යනවා. මේ තැන් වල මිනිස්සුන්ට නිදහසේ ඉඳගෙන ඉන්න පුළුවන් ඇවිදින්න පුළුවන් සෙලල්ලම් කරන්න පුළුවන් තැන හදනවා. සමහර ඒවායේ විනෝදෙන් ඇවිදින, සෙල්ලම් කරන ගමන්, විවේක ගන්න ගමන් හිතනවා මේ මොන කාලකන්නි වැඩක්ද? කරලා තියෙන්නේ කියෙල. සමහර අය කියනවා නිකන් සල්ලි නාස්ති කලා කියල. මිනිස්සුන්ට නිදහසේ ඉන්න එකට සල්ලි ටිකක් යන එක වැරදිද? සමහරු කියනවා පරිසරේ වනසනවා කියල. මමනම් කියන්නේ අපේ පැත්තේ හදපු අලුත් උද්‍යානෙ ඇවිදින්න ලස්සන පාරක් හදල තියෙනවා වගේම පාර දෙපැත්තේ කුඹුක්, කොහොඹ, වගේ ගස් හිටවල. මැදින් ගලාගෙන යන දියපාරේ නිල්මානෙල් මල් පිපෙනවා. මෙතන ඇවිදින්න දුවන්න යන මිනිස්සු හින්ද ඒ හරියේ පොඩි පොඩි ව්‍යාපාර කීපයක් අලුතෙන් බිහිවෙලා. ඉතින් මේ කරලා තියෙන්නේ මිනිසුන්ට විස සහිත දෙයක් ද? සමහරු කියනවා කොන්කිරිට් වනාන්තර හදනවා කියල. ළමයිනේ උඹල හුගක් එවුන් කොන්කිරිට් වනාන්තර දැකල නෑ. මම දෙකක් දැකල තියෙනවා. ලංකාවත් හුගාක් දියුණු උනොත් තව කාලෙකින් කොන්කිරිට් වනාන්තර තියේවි. හැබැයි තව හුග කාලෙකින්. වැඩ ටික ලස්සනට කෙරෙනකොට හුඹස් බය ඇති කරගන්න එපා. ඔය කොන්කිරිට් වනාන්තර හැදෙන්න තරම් තවම ලංකාව දියුණු වෙලා නෑ. (ගූග්ලේ එකේ නිව් යෝර්ක්, ටෝකියෝ,බිජිං,සිංගප්පුරුව, මැලේසියාව,ඩුබායි,සිඩ්නි නගර ගැන හොයල බලන්න)
නගරේ ලස්සනට තියෙන එකත් වැරද්දක් ද? දැන් මම කියන්නම් ඇත්තම හේතුව ඔහොම හිතෙන්න. හුගක් අයට හරි වැඩේ කෙරුණත් තමන්ගේ දේශපාලන පක්ෂෙන් නෙවේ හින්ද හුගක් හිතට අමාරුයි. මෙහෙම හිතල බෑ රට හදන්න. හැමෝගේම හිතන,පතන විදිත් ටිකක් වෙනස් වෙන්න ඕන.